🛑 تعطيل العمل في الوظيفة العمومية و الجماعات المحلية ليومين اش معناها؟
دقيقة ولد اختي تفهّمك...
الخطايا و تسجيل الأملاك و التصريح بالدخل و البيع و الشراء و إسناد الأراضي الدولية و التعريف بالامضاء و غيرو و غيرو ماهم في القباضات و البلديات و الادارات الجهوية ذات النظر ؟
باهي كي انتي تكون غاير على متاع الناس و مقحّف عقار و غاير على رزق البيليك و تدخّل في مليارات و تصرّح بصفر آخر العام ماو بكلو مسجل غادي هكا و الا لا ولد اختي ؟
باهي ، و كي باش تعمل هذا الكل ماو فما شكون متورط معاك داخل الإدارة هكا و الا لا ولد اختي ؟
باهي ، كي يدخلو الجماعة الي متواطئ معاهم يخدمو غدوة ماو باش يعدمو الادلّة و الأرشيف تلقاه
عند الحمّاص، و هكا و الا لا ولد اختي ؟
باهي ، و الجماعة كي نعطوهم كونجي نهارين يتبحبحو و يدخل الجيش غدوة و بعد غدوة و يشمع بيت الأرشيف و يسجّل البيانات من قسم الاعلامية موش خير ولد اختي؟
و الي عندو حق ياخذو...
صحيت نحبك فايق ولد اختي
منقول عن الصحفي: Zouhair Taba
تعليقات
إرسال تعليق