توضيح
وسام جبارة غير موقوف حاليا و موش صادرة فيه بطاقة جلب ، بعد ما جاووه للدار و كلموه بالتليفون وسام إختفى و حد ما كان عندو عليه حتى معلومة و على هذاك عايلتو و المقربين منو يسخايلوه موقوف لكن ثبت في ما بعد إنو على إثر الهرسلة إلي تعرضلها وسام تخبى خشية الإيقاف
وراهو كان باش يتوقف حقا لولا انه الضغط هو اللي جاب
في الوقفة الإحتجاجية إلي صارت قدام ولاية المنستير اليوم جاو نقابيين من إتحاد الشغل كتبو بيان و بداو يقراو فيه
أني و غيري مالشباب طالبنا النقابيين هاذوما بالرحيل و الأسباب يعلمها الجميع
وقتها قرروا يتكلمو و قالولنا إلي وسام غير موقوف
يعني المعلومة هاذي في بالهم باها مالأول
اما هوما خيروا إنهم يمشيوا بسياسة يا تكون معايا يا نخوضها (يسخايلوها عرس الطبوبي الجماعة )
و رغم هذا تواصلت الوقفة على خاطر المحتجين الكل مفلقطين مالوضع
و وسام توة معرض للإيقاف في أي لحظة
لأنو وكل لفرقة القرجاني إستنطاقه
نتمنى تكون الصورة وضاحت توة
كان فما حاجة جديدة توة نعلمكم بيها..
و سامحونا سيادتكم ماناش باش نقعدوا نستناو في مواطن يتوقف باش نخرجوا نحتجوا
الأسباب الكل تدفع اليوم للإحتجاج
تعليقات
إرسال تعليق