فضيحة من معهد بوقرنين

 فضيحة من معهد بوقرنين

" أنا تلميذ بكالوريا إقتصاد و تصرف .. ليوما عشت يوم من أذل ما عشت في حياتي في معهد بوقرنين . داخل نعدي في تاريخ و جغرافيا .. يا ربي العمال عليك خذيت أوراق brouillon من الفوق مكتوب « لا شي يعيق طريقي للنجاح » قريت الموضوع و بديت نخدم ربع ساعة و يدخلي المدير معه زوز أعوان يقلي بلكلمة " أخرج و تبعني للبيرو “ .. الأساتذة في حالة آستغراب أما حتى واحد ما تكلم .. تبعت المدير للبيرو دخلت معه بدا يفركس فيا ما لقى حتى شي .. بعد قالي بالكلمة " نحي مريولك و سروالك “ .. قتلو لا .. ياخي مشا دخلي زوز أعوان و قالهم فركسوه .. رفضت و نحيت حوائجي وحدي .. قاعد في ملابس داخلية في وسط بيرو و هذا الكل وقت دفواري .. يقوم المدير و يمد يدو في منطقة حساسة و يتلمس و قالي " ما تخافش هانا رجال في بعضنا " .. ما نجمتش نصدق و باهت و هو مزال يفركس فيا لوج لوج ما لقى شي و بعد غزر قالي " برا أرجع عدي دفوارك و كان تفجعت تو نجيبولك طابع سكر " .. هكة بكل برودة دم .. أنا لنا كيفاه نجم نكمل نعدي ؟ بأنا مورال ؟ أنا ليوما تم التعدي عليا من مدير معهد بوقرنين و مش أول مرة يعملها مع تلميذ .. تاريخو حافل بهذه الممارسات .. أنا ليوما تظلمت بكل الطرق الممكنة .. أنا ليوما خذاولي حقي من قدام عيني .. أنا ليوما شنيا ذنبي ؟ شنيا ذنبي يتم تهديدي بكل الطرق الممكنة ؟ المدير للي كتبلي « لا شي يعيق طريق نجاحي » هو نفسو للي أعاق طريق نجاحي ..

مع هذا الكل نحب نشكر الأساتذة و الإدارة للي شجعوني بش نتكلم و ناخو حقي "

ما راي وزير التربية في هذه المهزلة ؟

#منقول